आवर बेलका/ प्रधानमन्त्री ओलीको सिफारिसमा आइतबार राष्ट्रपतिले संघीय संसद विघटन गरेपछि आफनै पार्टी तथा अन्य पार्टीका युवा-विद्यार्थीले पर्दशन गरेका हुन् ।
बेलकाको केन्द्र बिन्दु रामपुरमा सोमबार आयोजित विरोधसभामा बोल्दै युवा-विद्यार्थीहरुले प्रधानमन्त्री ओलीविरुद्ध नाराबाजीसमेत गरेका थिए ।
अनेरास्ववियू,नेबि संघ ,राष्ट्रिय युवा संघठन ले ‘गणतन्त्र विरोधी हर्कतको प्रतिवाद गरौं’, ‘संसद विघटन खारेज गरौं’, ‘तानाशाह मुर्दावाद’, ‘खड्ग ओलीको प्रतिवादी कदम मुर्दावाद’, ‘नालायक केपी ओली मुर्दावाद’ जस्ता नारा लगाउँदै विरोध प्रदर्शन गरेका थिए ।
प्रधानमन्त्री ओलीले चालेको कदमको कडा विरोध गर्दै अनेरास्ववियू नेता सागर धमलाले ओलीलाई पार्टीबाटै निष्कासन गर्न माग गरे ।
‘ओलीले प्रधानमन्त्री र नेकपाको अध्यक्ष बन्ने नैतिकता गुमाइ सकेका छन्,’ नेता धमलाले भने, ‘ओलीलाई पार्टीको साधारण सदस्य नै नरहने गरी निस्कासन गरियोस ।’
त्यस्तै लोकतन्त्रको रक्षाका निम्ति आन्दोलन सुरु गर्न लागेको अनेरास्ववियुका केन्द्रीय सदस्य भरत घिमिरेले बताए । ‘संसद विघटन गरेर प्रधानमन्त्री ओलीले संवैधानिक ‘कू’ गर्नुभएको छ,’ केन्द्रीय सदस्य घिमिरेले भने, ‘गणतन्त्रको रक्षाका निम्ति आन्दोलनको आगो बाल्छौं ।’
उनीहरुले प्रतिनिधि सभा विघटन गर्नु प्रधानमन्त्री ओलीको अवैधानिक, अलोकतान्त्रिक र निरंकुशता भएको बताए नेबि संघका नेता सुमन खतिवडाले ,त्यसैगरी राष्ट्रिय युवा सङ्ठन बेलका सम्योजक अनिल नेपालले रास्ट्रपति र प्रधानमन्त्रीले गम्भीर गल्ती गरेको र १ मिनेट पनि पदमा बस्न नसुहाउने बताय ,विद्यार्थी नेता नबराज भट्टराईले समेत आफ्ना भनाइ राखेका थिए ।
