आवर बेलका/ बेलका नगरपालिका वडा नं.२ बेल्हामा सोमबार आँखा शिविर सञ्चालन भएको छ ।
एक दिने शिविरको आँखा उपचार केन्द्र रामपुरको सहयोग र नव सार्वजनिक यूवा क्लवको आयोजनामा शिविर सञ्चालन भएको हो ।
एक दिने भनिएपनि आँखा रोगीहरुको संख्या बढेपछि चेकजाँच गर्न नभियाएकोले मंगलबारसम्म सञ्चालन हुने क्लवका सह सचिव कृष्णमान चौधरीले बताए ।
शिविरमा २ सय ८१ जनाले आफ्नो आँखा चेकजाँच गरेका मध्ये ५२ जनाको शल्यक्रिया (अप्रेशन) गर्नु पर्ने भएको छ भने अन्य १ सय २३ जनाले मंगलबार मात्र चेकजाँच गर्ने पनि सह सचिव चौधरीले जानकारी दिए । मेची अँखा अस्पताल र बेलका नगरपालिकाको आयोजनामा बिगत ३ बर्ष देखि बेलकाको विभिन्न ठाउँमा निसुलक अँखा सिविर हुँदै आएको छ भने बिध्यालयमा पनि विद्यार्थीहरुको अँखा उपचार गरिदै आएको बताय बेलका नगरपालिकाका सामाजिक बिकास प्रमुख गोपाल निरौलाले ।
