बेलका नगरपालिका वार्ड् न-५ मा रहेको भूतिया दहमा डुबेर एक युवकको मृत्यु भएको छ । मृत्यु हुनेमा मोरङको सुन्दरहरैंचा नगरपालिका ४ बलिया निवासी अन्दाजी २२ वर्षीय शिखर सिलवाल रहेका छन् ।
उदयपुर जिल्ला बेलका नगरपालिका–५ स्थित झरनामा नुहाउने क्रममा चिप्लिएर भुतिया दहमा खस्दा मध्याह्न १२ बजे उनी बेपत्ता भएका थिए । बेपत्ता उनको इलाका प्रहरी कार्यालय रामपुरको प्रहरी टोलीले स्थानीयको सहयोगमा खोजी कार्य थालेको थियो ।
खोजतलासका क्रममा उनको शव साँझ ५ बजे फेला पारेको प्रहरीले जनाएको छ ।
यस भुतिया दहबाट बेला बेलामा धेरै पौडि खेल्ने क्रममा घाइते भएको तथा धेरै समय अगाडि पनि पौडि खेल्ने क्रममा मृत्यु भएको पाइएको छ ।
बेलका नगरपालिकाले बेलका पर्यटकिय स्थलको सुचिमा यश दहलाइ पनि राखेको छ भने गर्मीको समय र बिदाको दिन यहाँ सयौको संख्यामा पौडी खेल्न आगन्तुक आउने गरेको छ्न ।
