कृष्णमान चौधरी , बेलका ।
पूर्ब विद्यार्थी समाजद्वारा विभिन्न बिधाका कार्यक्रम सम्पन्न गरेको छ। श्री जनता बेलका माध्यमिक बिद्यालयका पूर्ब विद्यार्थी समाजले आज ३ बिधाका फरक फरक कार्यक्रम सप्पन्न गरेका छन ।
पहिलो चरणको कार्यक्रममा कोभिडको बेला जनताका स्वास्थ का लागि दिनरात स्वास्थ सेवा दिनुहुने विशाल मेडिकल हलका संचालक संजय झा, ॐ मेडिकलका संचालक ॐ यादब ,तपेश्वरी स्वास्थ चौकिका पूर्ब इन्चार्ज सुशील शाह , जनताका सुरक्षाका लागि दिनरात खटिएका भागलपुर पुलिस चौकिका प्रतिनिधि भगवान खत्री र इन्द्र राई लाई जनता मा.बि का पुर्ब विद्यार्थी समाजले एक कार्यक्रम गरि सम्मान गरेको छ।
दोस्रो चरणको कार्यक्रममा बेलका न.पा -१,पुरन्दह अबस्थित श्री जनता बेलका माध्यमिक बिद्यालयका कक्षा १ देखि कक्षा १० सम्मका प्रथम ,द्वितीय र तृतीय स्थान गर्ने भाइबहिनीहरु लाई प्रोत्साहन स्वरुप पुरस्कार दिई सम्मान गरेको छ ।
तेस्रो चरणमा जनता मा.बि पुरन्दहमा रहेको सार्वजनिक पुस्तकालय लाई उदघाटन आज एक बिशेष कार्यक्रम गरि बेलका नगर शिक्षा शाखा अधिकृत सुनिल निरौला को प्रमुख आतिथ्यतामा उदघाटन गरेको छ।
पुर्ब विद्यार्थी समाजले साबिक तपेश्वरी गा.बि.स लाई मध्यनजर गर्दै बेला बेला विभिन्न कार्यक्रम गर्दै आएको छ।
गत साल बेलका न.पा वडा न १ र २ का सम्पूर्ण सामुदायिक बिद्यालयहरुमा ४५ हजार बराबरको खेलकुद सामाग्री बाडेको , जनता मा.बि पुरन्दहमा साना साना भाइबहिनीहरुका लागि चित्रकला प्रतियोगिता सप्पन्न गरेको पुर्ब विद्यार्थी समाजका संयोजक कुबेर लुइँटेल ले जानकारी दिए।
बिद्यालय सुधारका लागि सकारात्मक कदम चाल्न अग्रसर रहेको र आगामी दिनहरु अझ नयाँ नयाँ खालका कार्यक्रम ल्याउने पुर्ब विद्यार्थी समाजका सल्लाहकार शेखर निरौला ले जानकारी दिए ।
कार्यक्रम संचालन पुर्ब विद्यार्थी समाजका प्रतिनिधि कृष्णमान चौधरीले गरेका थिए।