चौदण्डीगढी नगरपालिका वडा नं.- २ माडिवास निवासी माओवादीका एक होनाहार युवा समाजसेवी तथा पार्टीको नगर सचिव रमेश विक र -७ नं. वडाका दिलिप सेवासहित सयौ कार्यकर्ताहरु मंगलबार नेपाली कांग्रेसमा प्रवेश गरेका हुन् ।
युवा समाजसेवी तथा दलित नेता ७ नं. वडाका दिलिप सेवा, २ नं. कै हाल माडिवास टोलविकास समितिकी अध्यक्ष टिकासरी राई, रामबहादुर विक लगायत १ सय ३२ जनाले माओवादी परित्याग गरि कांग्रेस प्रबेस गरेको हुन।
बेल्टार स्थित कांग्रेस पार्टी कार्यालयमा आयोजित वृहत्त पार्टी प्रवेश कार्यक्रममा नगर प्रमुख तथा क्षेत्रीय सभापति खगेन्द्र राई लगायतले अविर र खाँदा पहिराइ स्वागत गरेका थिए ।
नव प्रवेशी नेता विकले पार्टीमा अधिनायकवाद र व्यक्तिवादी चरित्र हावी भएकाले नागरिकको सेवा भन्दा आफ्नो स्वार्थ सिद्ध गर्ने प्रवृत्ति बढेकोले बाध्यभएर पार्टी छोड्नु परेको बताए ।
उनले भने, ‘पार्टी आफ्नै बिर्ता झै ठानेर स्वइच्छाचारी प्रवृत्तिले पार्टी सञ्चालन गर्ने र योगदानको मूल्यांकन नगर्ने र पार्टीको निति सिद्धान्तभन्दा फरक तरिकाले हुकुमी शैली हावी भएपछि हामीले पार्टी छाड्न निर्णय गरेका हौं ।’
बिक नेकपा माओवादी केन्द्र चौदन्डिगढिको अध्यक्षको दाबेदार थिय भने उम्मेद्बार धेरै हुदा टुंगोमा नपुगिसक्दा छलफलकै क्रममा कांग्रेस प्रवेश गरेको हुन ।