जाल्पादेवि सामुदायिक वनको उदाहरणिय काम २०० सय उपभोक्तालाई निशुल्क ग्यास चुल्हो बितरण
सुमन सागर/ बेलका
सामुदायिक वन संरक्षण र प्रबर्द्धन गर्ने उदेश्यले उदयपुर जिल्ला बेलका नगरपालिका वडा नं ६ मा रहेको जाल्पा देवि सामुदायिक वनले आफ्ना सम्पुर्ण उपभोक्ता लाई ग्यास चुल्हो बितरण गरेको छ।
बढ्दो वन बिनास लाई रोकथाम गर्न र वनलाई संरक्षण गर्ने उदेश्यले सामुदायिक वनमा आबद्द २०० घरधुरी लाई ९ लाख ७५ हजार बराबरको ग्यास चुल्हो बितरण गरिएको हो।
बेलका नगरपालिका वडा नं ६ का वडा अध्यक्ष वसन्त मगरको प्रमुख आतित्यथामा ग्यास चुल्हो बितरण गरिएको हो।
वनको आन्तरिक आम्दानी बाट ग्यास चुल्हो बितरण गरिएको जाल्पा देवि सामुदायिक वनका अध्यक्ष हिराजंग राईले बताए। वन संरक्षण गर्ने उदेश्यले उपभोक्तालाई ग्यास चुल्हो बिरतण गरिएको हो। २ सय ६१ हेक्टर क्षेत्रफल रहेको सामुदायिक वन संरक्षण गर्न स्थानीय उपभोक्ताको अग्रसरतामा बृक्षरोपण गरिएको र वनको आम्दानी वाट सडकको ट्राक खोल्ने, बिधालयल ब्याबस्थापनका निम्ति बजेट बिनियोजन, स्थानिय क्लवका खेलाडिलाई जर्सी सहयोग जस्ता समाजिक उतरदायित्वको काम गरिरहेको अध्यक्ष राईले बताए।
सामुदायिक वनको अग्रसरतामा आफ्नो उपभोक्तालाई जिबिकोपार्जन गर्ने उदेश्यले बितरण गरिएको ग्यास चुल्होले आगामी दिनमा सामुदायिक वनको संरक्षण हुने बेलका नगरपालिका वडा नं ६ का वडा अध्यक्ष वसन्त मगरले बताए।
आफ्नो क्षेत्रमा रहेको स्थानीय स्रोत साधनलाई सहि ढंग बाट परिचालन गर्न सके आफ्नो समुदायको बिकासमा टेवा पुग्छ र वडा कार्यालयले पनि सामुदायिक वन सङ्ग सहकार्य गरि ६०/४० का योजना सन्चालन गरिरहेको र आगामी दिनमा समेत योजना सन्चालन गर्ने वडा अध्यक्ष मगरले प्रतिबद्धता ब्याक्त गरेका छन।
दाउरा प्रयोग गरि चुल्हो बाल्दा धुवाँले मानिसको स्वास्थ्यमा समेत असर पार्ने भएकोले उपभोक्ताको स्वास्थ्य लाई ख्यालमा राखी आधुनिक ग्यास चुल्हो बितरण गर्ने कार्य उदाहरणीय रहेको वडा सदस्य कुबेर मगरले बताएका छन।
स्थानीय वन महासंघका स्थायी समिति सदस्य भरत घिमिरेले वनको आम्दानीबाट उपभोक्तालाई ग्यास सिलिन्डर ,चुलो बाढिएको कार्यक्रम उपलब्धि मुलक रहेको र वनले अब उच्च शिक्षा अध्यन गर्दै गरेका छात्रालाई साइकल बितरण गर्न आग्रह गरेका छन ।पुल ,सडक ,बिजुली ,शिक्षा र उपभोक्ताको आत्मनिर्भरका लागि आय मुलक बिरुवा बांस लगायतका बनस्पति रोपेर आम्दानी बढाउन समेत घिमिरेले आग्रह गरेका छन। जाल्पादेवी सामुदायिक बनका अध्यक्ष हिराजङ राई स्थानीय सामुदायिक वन महासंघका उपाध्यक्ष समेत हुन ।
