सप्तकोशी नदीमा डुङ्गा पल्टी एक जना बेपत्ता भएका छ्न।
सनिवार बिहान ८:३० बजे सप्तकोसी पारीबाट काठको डुङ्गामा दाउरा लोड गरी आउने क्रममा आचानक उक्त डुङ्गा पल्टि बराहक्षेत्र -२ बस्ने वर्ष २० को अमर बिष्ट बेपता भएको ईलाका प्रहरी कार्यालय महेन्द्रनगर प्रमुख टीका बहादुर कार्कीले बताए ।
डुङ्गा पल्टिएको खबर इलाका प्रहरी कार्यलय चतरामा खबर प्राप्त हुन साथ तत्कालै इलाका प्रहरी अफिस चतराबाट प्र.ना.नि.को कमाण्डमा ४ जना र सशस्त्र प्रहरी वेश क्याम्प चतराबाट स.प्र.नि.को कमाण्डमा ११ जनाको टोली खटि गई खोजतलास भइ रहको कार्कीले बताए ।
डुङ्गामा सवार अन्य बराहक्षेत्र २ बस्ने वर्ष ३० को दुर्गा काफ्ले, बराहक्षेत्र २ बस्ने वर्ष २८ को टिकाराम बस्नेत र बराहक्षेत्र २ बस्ने वर्ष २५ को नितेश बस्नेत सकुशल रहेको प्रहरीले जनाएको छ। यो समाचार बनाउदा सम्म बेपत्ता भएका अमर भेटिएका थिएनन।
