गृहमन्त्री बालकृष्ण खाणले उदयपुरको बेलका नगरपालिका–८ डुम्रेकोट, लाहुरे खोँचमा कोसी नदीले कटान सुरु गरेपछि धनजनको क्षति नहुनेगरी रोकथाममा जुट्न मातहतका निकायलाई निर्देशन दिएका छन् ।
गृहमन्त्री खाणले गृहसचिव टेकनारायण पाण्डे, सिँचाइ सचिव सागर राई, नेपाल प्रहरीका महानिरीक्षक धीरजप्रताप सिंह, सशस्त्र प्रहरी बलका महानिरीक्षक राजु अर्याल, जलस्रोत तथा सिँचाइ विभागका महानिर्देशक सुशीलचन्द्र आचार्य, सशस्त्र प्रहरी बलका प्रदेश १ कार्यालय प्रमुख सशस्त्र प्रहरी नायव महानिरीक्षक कमल गिरीलगायतलाई टेलिफोन गरी तत्काल कटान रोकथाममा जुट्न निर्देशन दिएका उनको सचिवालयले जनाएको छ ।
सो निर्देशनलगत्तै नेपाल प्रहरी, सशस्त्र प्रहरी बल र स्थानीय मिलेर कोसीले कटान सुरु गरेको स्थानमा तारजालीमा ढुङ्गा भर्ने र बालुवा बोरामा भरेर कटान रोक्ने कार्य गरिरहेको उदयपुरका प्रमुख जिल्ला अधिकारी वीरेन्द्रकुमार यादवले जानकारी दिए।
नदीको वहाव ठूलो भएकाले कटान रोक्ने कार्यमा समस्या भइरहेको जनाइएको छ । यो क्षेत्रमा गत वर्ष पनि कोसी नदीले कटान गरेको थियो । गत बर्ष पनि गृहमन्त्री बालकृष्ण खाडले यश ठाउँ हवाई अबलोकन समेत गरेको हुन ! त्यसबिचमा प्रदेश तथा भारतिय पक्ष समेत आएर स्थलगत अबलोकन भएको तर काम केही नभएको स्थानीय जनताको गुनासो छ । सप्तकोसी प्रभावित एरियामा ४ हजार घर परिबार बसोबास गर्दै आएको छ्न ।अहिले स्थानीय सरकार रोकथामको लागि भरपुर प्रयास गरिरहेको छ ।
