बेलका नगरपालिकाका मेयर अशोक कार्किले मेयर स्तरीय निर्णयबाट ३४ जना कर्मचारीको करार म्याद थप नगरेको प्रति नेकपा एमाले बेलकानगर कमिटीले ध्यानकर्षण गराईएको छ ।
बेलका नगर कमिटी अध्यक्ष गणेश बस्नेतले विज्ञप्ती निकाल्दै असार ३१ गते मेयर स्तरीय निर्णय भनी ३४ जना श्रमजिवि कर्मचारी र तिनिहरुका आश्रित परिवारको रोजी रोटि शिक्षा दिक्षा समेत प्रभावपर्ने गरी गरिएको एकल निर्णय प्रति नेकपा एमाले बेलका नगर कमिटीको गम्भीर ध्यानाकर्षण भएको छ।
केहि बर्ष देखि कार्यरत श्रमजिवी कर्मचारीहरुलाई नितान्त व्याक्तिगत र राजनितिक पूर्वाग्रहको आधारमा कुनै पनि सूचना नदिइकन रोजगारीबाट निकालिनु भनेको अत्यन्तै गैरजिम्मेवारी तथा जनविरोधी कार्य रहेको विज्ञप्तीमा जनाएको छ ।
मेयर स्तरीय भनी कार्यपालिकाको कैयौ सदस्यहरुलाई समेत जानकारी नगराईकन गरिएको यो कार्यको नेकपा एमाले घोर भत्र्सना गर्दै तत्काल निर्णय फिर्ता लिनको लागि स्थानीय सरकार सङ्ग माग गर्दछ भनि विज्ञप्तीमा जनाएको छ ।