मंसिर ४ गतेको चुनावको लागि नेपाली कांग्रेस उदयपुर क्षेत्र नं १ क्षेत्रिय कार्य समितिले सँघीय निर्वाचनका लागि प्रत्यक्ष र समानुपातिक उम्मेदवारको नाम सिफारीस गरेको छ।
क्षेत्रीय कार्यलय बेल्टारमा विहिबार बसेको बैठकले आसन्न संघीय निर्वाचनका लागि प्रत्यक्षतर्फ आठ जना र समानुपातिकतर्फ एघार जना उम्मेदवारको नाम सिफारिस गरेको हो।
बैठकले प्रदेशसभाको प्रत्यक्ष उम्मेदवारमा नेपाल सरकारका परराष्ट्र मन्त्री तथा केन्द्रीय सदस्य डा. नारायण खड्का, संघीय सांसद तथा केन्द्रीय सदस्य लक्ष्मी परियार, निवर्तमान सभापति बिदुर बस्नेत, संघीय सांसद प्रमिला राई, संबिधान सभा सदस्य शान्ती देवी चौधरी, अकुर खड्का, सुशील शेढाई र भोगेन्द्र चौधरीलाई सिफारिस गरेको छ।
यस्तै, समानुपातिकतर्फ सत्यनारायण चौधरी, लिला राई, बिरेन्द्र कुमार बस्नेत, महेन्द्र प्रसाद चौधरी, बेचुदास चौधरी, हिरा लाल ठाकुर, कलावती चौधरी, सत्यनारायण झा, सरस्वती महतरा, हिरा मान मोते र मो. इलिहाँस मियालाई सिफारिस गरेको क्षेत्रिय कार्य समितिका सभापति खगेन्द्र राइले बताए ।
क्षेत्रिय कार्य समितिले सिफारिस गरेको नाम जिल्ला कार्य समितिमा जानेछ । र, जिल्ला कार्य समितिले आफ्नो राय लेखेर प्रदेश कार्य समितिलाई उक्त नाम पठाउने प्रावधान छ।
अहिले देशैभरी बाट भटाभट नाम सिफारिस हुदैछ ।
डाक्टर नारायण खड्का ६४/७०/७४ को चुनाव जितेर ह्याटि्रक गरिसकेको नेता हुन अहिले पनि गठबन्धन बाट नारायण खड्काकै नाम पक्का जस्तैः भएको देख्न सकिन्छ ।
