बेलकामा लैङ्िगक हिंसा सम्बन्धि अन्तरक्रिया कार्यक्रम सम्पन्न

निरु घिमिरे
बेलका , १५ बैशाख
बेलकामा लैङ्गकि हिंसा न्यूनीकरणमा स्थानीय महिलाहरुको भुमिका सम्बन्धि एक दिने अन्तरक्रिया कार्यक्रम सम्पन्न भएको छ। मेलमिलाप महिला बहुउद्देश्यीय सहकारी संस्था लिमिटेडको आयोजना र बेलका नगरपालिका वाड न:०९ को सहयोगमा वाडका प्रत्येक टोलबिकास बाट ४/४ जना महिलाहरुको सहभागितामा कार्यक्रम सम्पन्न भएको हो। रामपुर बजारको सिटि हलमा शुक्रबार भएको कार्यक्रमलाई बेलका सामाजिक शाखा प्रमुख गोपाल निरौला, न्यायिक समिती सदस्य नानुमैया घिमिरे ,आयोजक संस्थाकि अध्यक्ष कमला सेढाइ, मेलमिलापकर्ता अमृता धमला,समाजसेवी कुमारी तामाङ लगायतले सहजीकरण गरेका हुन। कार्यक्रममा सहजकर्ताहरुले हाल बेलकामा भएका लैङ्गकि हिंसाका मुद्दाहरु , बाल विवाहका समस्या , यौन दुर्व्यवहार , घरेलु हिंसा लगायतका बिषयमा अन्तरक्रियात्मक ढंगले कार्यक्रम सम्पन्न गरेका हुन।