डिजिटलाइज बन्दै बलान बिहूल गाउँपालिका

सप्तरी /
मधेश प्रदेश स्थित सप्तरीको बलान बिहूल गाउँपालिका डिजिटलाईज हुने भएको छ । करिब २ करोडको बजेटमा गाउँपालिका यसै आर्थिक बर्ष २०८० भित्र डिजिटल गाउँपालिका बनाउने लक्ष्य रहेको गापा अध्यक्ष खेमचन्द्र यादबले बताए ।
यादबले भने “अब यश गाउँपालिका भित्रको जनताहरुले गाउँपालिकाको सम्पूर्ण गतिविधि घरमै बसेर नियाल्न सक्ने, पालिकाको दिनानुदिनका सेवाहरु घरबाटै लिन सक्ने ब्यबस्थापन गर्नको लागि डिजिटलाईज गर्न लागिएको हो । प्रबिधिको उच्चतम उपयोग गर्दै पालिकालाई डिजिटलमैत्री बनाउने उदघोष समेत गरेका छन् ।
जुनसुकै नागरिकले पनि संसारको जुनसुकै ठाउमा रहेर इन्टरनेटको माध्यम पालिकाको सामान्य जानकारीहरु जस्तै: घर धुरि संख्या,लैङ्गिक घर धुरि बिवरण, उमेर अनुसारको जनसङ्ख्या, वडा गत जनसङ्ख्या घरधुरि एवम नगरको जनप्रतिनिधि कर्मचारी हरुको विवरण जीपीयस प्रबिधिमा आधारित गतिशिल फोटो सहितको विवरण आदि बारे सेवा लिन अथवा आवश्यक खण्डमा नागरिकलाई उक्त तथ्याङ्क उपलब्ध गराउन सकिन्छ।
डिजिटल बलान बिहूल बनेपछि पालिका वा मातहत का वडाहरुले पालिकावासीको विवरण पंजीकरणका काम एवम कर सम्बन्धी सेवा यसै नगर प्रोफाईल बाट डिजिटल माध्यम बाट सन्चालन हुनेछ। जनप्रतिनिधिहरुको निश्चित समयवधि भित्रको प्रगति विवरणलाई पनि सोझै झल्काउने अध्यक्ष यादबले बताए।