नेकपा माओवादी बेलका नगरकमिटीका नेता कार्यकर्ता ९ वटै वडाहरूमा ‘जनतासँग गाउँ–गाउँमा’ जुटेका छन् । जनतासँग माओवादी विशेष रुपान्तरण अभियान, घर–घरमा माओवादी जनजनमा’ अभियान मुल नारा लिएर गाउँ पसेको हो ।
उक्त अभियान नगरका ०९ वडा तथा गाउँहरूमा निरन्तररूपमा चलिरहेको नगर अध्यक्ष मनोज तामाङले जानकारी दिए । सो अभियान भदौ १६ गतेबाट सुरु भइ मंसिर १५ सम्म सम्पन्न हुने जनाइएको छ ।
नगरको सापेक्ष अनुरुप योजना बनाइ अभियान निरन्तररुपमा चलिरहेको प्रदेश सदस्य रमण भट्टराईको भनाइ छ । अभियानको क्रममा वडा सम्मेलन, पार्टी सदस्यता नविकरण, संगठन सुदृढिकरण, माओवादी सरकारले गरेका राम्रा पक्ष जनताको घरदैलोमा पुर्याउने काम भइरहेको बताए प्रदेश सदस्य बेलका इन्चार्ज राकेश किरातिले ।
माओवादीका अनुसार अभियान तीन चरणमा सञ्चालन हुनेछ । पहिलो चरणमा बैठक, भेला, प्रशिक्षण, सदस्यता नवीकरण र विस्तार, अभिलेख व्यवस्थापन, उत्पादन र प्रचारसँग सम्बन्धित संयन्त्र तथा योजना निर्माण, विभिन्न तहका पार्टीका कार्यालय व्यवस्थापन, पार्टीभित्रका अन्तरविरोधको पहिचान र समाधानको पहल, कार्यकर्ता व्यवस्थापनका लागि कोष स्थापना गरिनेछ ।
दोस्रो चरणमा पाँच घण्टे अन्तरपार्टी स्कुल, विषयगत अन्तरक्रिया, विषयगत तालिम, गोष्ठी, जनप्रशिक्षण, जन भेला, टोलटोलमा युवा भेला, स्थानीयस्तरका सरकारी तथा सामाजिक सङ्घसंस्थासँग अन्तरक्रिया गरिने जनाइएको छ ।
तेस्रो चरणमा जनप्रदर्शन, जनसङ्घर्ष, जनसेवासहित जनपरिचालनका कार्यक्रम सञ्चालन गरिनेछ । यस्तै, सुशासन, समृद्धि र सामाजिक न्यायको अभियानमा जनसमर्थन तथा ऐक्यबद्धता एवं टोलसभा गरिने नगरकमिटी सचिव भरत घिमिरेले बताय।
बेलकाको विभिन्न वार्ड्मा जिम्मेवारी तोकिएको छ
वार्ड न -१ – मनोज तामाङ, ललित राइ /२ मा रमण भट्टराई पर्सुराम कठेत,मिस्रीलाल महत्तो/३ मा स्याम श्रेष्ठ,गङ्गासरी राइ /४ मा रामकुमार कम्मर ,हरि जोसि/५ मा भरत घिमिरे ,दिपक लामिछाने /६ मा जयकुमार राई ,पबित्रा राइ/७ मा गणेश राई/ ८ मा नुनिराम राई / ९ मा राकेश किराँती,लेख ब परियारलाई जिम्मेवारी तोकिएको बताय प्रदेश सदस्य नुनिराम राइले।
