महुलि लघुवित्त गाईघाट शाखाका सदस्य चौधरीको परिवारलाई अढाई लाख प्रदान

मदन अधिकारी
उदयपुरको गाईघाटमा क्रियाशील महुलि लघुवित्त संस्था शाखा कार्यलय गाईघाट शाखाले आफ्नो सदस्यको मृत्यु भएपछि मृतकका परिवारलाई क्षतिपूर्ति बापत दुइ लाख पचतर हजार रकम उपलब्ध गराएको छ ।
त्रियुगा नगरपालिका स्थित महुलि लघुवित्त वित्तीय संस्था लिमिटेडको शाखा कार्यालय गाईघाटले त्रियुगा नगरपालिका वडा नम्बर ४ सालघारीमा गठित केन्द्र नम्बर ६४ कि सदस्य बनहि चौधरीलाई बिमा क्षतिपूर्ति बापतको २ लाख ७५ हजार रुपियाँको चेक उपलब्ध गराएको शाखा प्रबन्धक हेमराज दाहालले जानकारी दिनुभयो ।

दाहालका अनुसार लघुवित्तको सदस्य रहनुभएकी सोनिक चौधरीको श्रीमती बनहि चौधरीको केही दिन अगाडि आकस्मिक मृत्यु भएको थियो । संस्थाले सामाजिक उत्तरदायित्व अन्तर्गत मृतकका परिवारलाई बिमा बापतको क्षतिपूर्ति रकम उपलब्ध गराइएको उहाँले बताउनुभयो ।
बिमा क्षतिपूर्ति बापतको २ लाख ७५ हजार रुपियाँ बराबरको चेक त्रियुगा नगरपालिका वडा न ४ का वडाअध्यक्ष बद्री बस्नेतको हातबाट मृतकका श्रीमान् सोनिक चौधरीलाई हस्तान्तरण गर्नुभएको थियो ।  मृतकका श्रीमान् सोनिक चौधरीले बिमा बापतको क्षतिपूर्ति रकम पाउँदा आफ्नो परिवारको गुजारा चलाउन राहत मिल्ने भन्दै संस्थालाई धन्यवाद दिनुभयो । त्यस्तै वडा अध्यक्ष बस्नेतले संस्थाले नाफा मुखि नभई सदस्यको दुखमा साथ दिएकोमा खुसि व्यक्त गर्दै आगामि दिनमा समेत यस्तै राम्रा कामहरु गर्न र वितिय सचेतना बडाउन आग्रह समेत गर्नु भएको थियो ।