सुमन सागर / बेलका
भनिन्छ मन मिले सबै थोक गर्ने हिम्मत र सहास जुट्छ। अझ युवा बर्गमा त झन असम्भव भन्ने केही हुदैन , आफ्नो समाज गाउँ ठाउँ सम्मुनत र बिकसित बनाउन युवा बर्गको नेतृत्व र एकता भयो भने असम्भव केही कुरामा पनि छैन ।
यस्तै उदाहरणको रुपमा बेलका नगरपालिका वडा नं ८ कोठुमा जनस्तर बाट निर्माण भै रहेको कोठु प्रहरी चौकी लाई लिन सकिन्छ।
देश संघीयतामा गए सङै स्थानिय सरकार निर्माण भयो ! अधिकार सम्पन्न स्थानिय सरकार बाट जनताको अपेक्षा अनुरुप कति काम भए र कति हुँदै छन । बि स ०६४ साल देखि भाडाको घरमा बसेर प्रहरी चौकी सन्चालन हुँदै थियो। शान्ति सुरक्षाको प्रत्याभूत स्थानिय बासिन्दालाई गराउन र जनताको सुरक्षाको लागि भाडामा बसेको प्रहरी चौकिको भाडा १० बर्ष सम्म जनस्तर बाटै तिरियो।
कति भाडामा मात्रै राख्नु , अब ब्याबस्थित भबन निर्माण गरि चौकिलाई ब्याबस्थापन गर्ने उदेश्यले स्थानिय व्यावसायी राज बान्तावाको अध्यक्षतामा १९ सदस्य चौकी निर्माण समिती निर्माण गरियो ।
स्थानिय धनराज दाहलले ५ कठ्ठा जग्गा उपलब्ध गराए र जनस्तर बाटै निर्माण गर्ने निर्णय अनुरुप निर्माण कार्य शुरु गरिएको समितिका अध्यक्ष राज बान्तावाले बताए। सरकारलाई सहयोग हुन्छ र नागरिकको दायित्व पनि हो ।उनले भने, मदन भन्डारी लोक मार्ग अन्तर्गर चतरा रामपुर सडक खण्डको कोशि पुल नजिक कोठुमा बन्न लागेको चौकी आधुनिक किसिमको बन्ने छ। प्रहरी ब्यारेक, हिरासत , महिला तथा बालबालिका हिरासत ,शौचालय र आबसेक कोठा अनुरुप पक्की संरचना निर्माण भै रहेको अध्यक्ष बान्तावाले बताए।
स्थानीयस्तर बाटै निर्माण शुरु गरिएको चौकी निर्माणमा स्थानियले आर्थिक सहयोग गरेका छन अहिले सम्म ४ लाख संकलन भयो, र हुने क्रम जारी रहेको समितिका सचिब बाल कुमार राईले बताए। राईका अनुसार सहयोगिले आबस्यक स्रोत साधन पनि उपलब्ध गराउनु भएको छ सोही अनुरुप समयमै काम सिध्याउनेमा हामी ढुक्क छौँ ।
जन श्रम दान गर्दै रकम सङ्कलन गर्दै निर्माण गरिरहेका छौँ ,एउटा उदाहरणीय काम होस भन्ने मनशायले शुरु गरिएको स्थानिय समाजसेवी गणेश राईले बताए।
जग्गादाता अलवा स्थानीय राज बानत्वा, वडा नं ४ का वडा अध्यक्ष दिपक दंगाल, व्यावसायी नदि राई, वडा नं ७ का वडा अध्यक्ष सुरेन्द्र राई, बराहक्षेत्र वडा नं ५ का वडा अध्यक्ष राजु अधिकारी, मणि राई लगायतले नगद तथा जिन्सी सामाग्री प्रदान गरेका छन।
ईट्टा, सिमेन्ट ,बालुवा निर्माण सामाग्री र नगद समेत लियर निर्माण थालेका छौँ ,एउटा सामाजिक र पुन्यको काम शुरु गरेका छौं , यहाँहरु सबै बाट सहयोगको अपेक्षा राखेका छौ।
२५ सय भन्दा माथी सहयोग गर्नेको शिलालेखमा नाम राख्ने निर्णय रहेको निर्माण समितिका सचिब बाल कुमार राईले बताए।
