कुमारी बैंक लिमिटेडले उदयपुरको बेलकामा बिहिवार देखि एटिएम सेवा सुरु गरेको छ। बिगत ३ बर्ष देखि सेवा सन्चालन गर्दै आएको बैंकले स्थानीयको दैनिक आर्थिक कारोबार सहजीकरण गर्ने उद्देश्यले एटिएम राखेको कुमारी बैंक बेलका साखा प्रमुख अमित झा ले जानकारी दिएका छन।
एटिएमको उद्घाटन बेलका नगरपालिका नगर प्रमुख दुर्गा कुमार थापा र प्रमुख प्रसासकिय अधिकृत अर्जुन निरौलाले संयुक्त रुपमा गरेका छन्।
एटिएम उद्घाटन गर्दै नगर प्रमुख थापाले स्थानीयले दैनिक आर्थिक कारोबार गर्न अब सहज बाताबरण हुने बताएका छन। आधुनिकीकरणको युगमा बेलकामा एटिएम सेवाले थप सहजता हुनेमा बिस्वस्त रहेको बताउदै स्थानीयलाई सेवा प्रवास चुस्त दुरुस्त रुपामा गर्न जोड दिएका छन।
बैंकले देशभर रहेका १ सय ९२ शाखा सञ्जाल, १ सय ५६ एटिएम, १३ एक्टेनशन काउन्टर लगायत २३ वटा शाखारहित ईकाई मार्फत अत्याधुनिक बैंकिङ सेवाहरु उपलब्ध गराउँदै आएको छ।
