बेल्टार/वैशाख २६। उदयपुरको चौदण्डीगढी नगरपालिका वडा नंं. ८ वीरेन्द्र बजार स्थित आगलागी हुँदा ५ वटा घर जलेर ध्वस्त भएको छ । उक्त आगलागीमा स्थानीयको करिव २ करोड बढी क्षतिसमेत भएको छ ।
आज (आईतबार) विहान ३ः२५ बजे कला राईको घरको विद्युत शर्ट भइ आगलागी हुँदा स्थानीय डम्वर राई, विक्रम राई, पद्मा मगर र कृष्ण मगरको घरमा आगलागी हुँदा सो बराबरको क्षति भएको हो ।
आगलागी भएको ५ वटै घरमा किराना पसल भएकोले प्रतिपरिवार ४० देखि ५० लाखसम्म क्षति भएको प्रहरी तथा स्थानीयले अनुमान गरेको छ्न ।
यद्यपी क्षतिको पूर्ण विवरण आउन बाँकी रहेको इलाका प्रहरी कार्यालय बेल्टारका प्रहरी निरीक्षक छे फिन्जो भोटेले जानकारी दिएको छन । जलेका घरहरू ईटा र काठपात जोडेर बनाईएको घरहरु जस्तापाताले छाएका थिए ।
अचानक भएको आगलागीमा पीडितहरूकाे खाद्यान्न, लत्ताकपडा, सुन चाँदी, नगद रुपैयाँ, फ्रिज, टेलिभिजन, मोवाईल सेटहरु अन्य महत्वपूर्ण कागजातहरुसमेत जलेर नष्ट भएको वडा सदस्य वासुदेव राईले जानकारी दिए ।
मानवीय क्षति नभएको घटनामा स्थानीय केशव नेपाली र लालबहादुर राईको १÷१ वटा मोटरसाईकलमा क्षति पुगेको उनले बताए । स्थानीय, प्रहरी र नगरपालिकाको दमकलले लागोलाई नियन्त्रणमा लिएको प्रहरीले जनाएको छ ।
पीडितहरुमध्ये विक्रम राईको घरमा अर्का मुना राईको परिवारसहित बस्दै आएका थिए भने कृष्ण मगरको घरमा दाङखाली राई भनिने भूपाल राईको आमाले भाडामा लिइ पसल गरी बस्दै आएका थिए ।
सो क्षत्रमा अधिकांश स्थानीयको घरहरू काठपात , इटा या काठ जाेडेर जस्ताले छाएकाे घरहरू नै निर्माण भएका छन् । घर जलेपछी बिचली भएको परिबारलाइ आर्थिक सहयोग गर्न सम्पुर्ण महानुभाबलाइ अनुरोध गरेको छ्न स्थानीय युवा बिबस चाम्लिङले ।
