सप्तकोसी नदीको उच्च वहाबका कारण उदयपुरको बेलका नगरपालिकाका ३ वडाका स्थानिय जोखिममा परेका छन् ।
एक हप्ता देखि लगातार परेको बर्षाका कारण सप्तकोसीले पश्चिम तर्फ धार परिबर्तन गर्दा नगर– पालिकाका वाडा नं २ , ३ , ८ र ९ उच्च जोखिममा परेको निमित्त प्रमुख जिल्ला अधिकारी बिनोद कुमार पोखरेलले बताउनु भयो ।
सप्तकोसीको बाढीले सोबारे , डुम्रीबोटे , मसान घाट , धौरी टप्पु , चिलिमे , एबिसि , श्रीलंका टापु र रामनगरका २५ सय परिवार उच्च जोखिममा परेका हुन् ।
आइतबार दिउँसो बेलका नगरपालिकाको सभा हलमा उदयपुर जिल्ला बिपद् ब्यबस्थापन समितिको बैठक निमित्त प्रमुख जिल्ला अधिकारीको अध्यक्षतामा बसेको र बैठकले सप्तकोसीमा आएको उच्च बाढीले बेलका – ८ लाउरेको खोज परियोजनाबाट कटान गर्दै नदीको धार तथा बहाव नगरको २ , ३ , ८ र ९ तथा सप्तरी जिल्लाका विभिन्न स्थानमा समेत धनजनको क्षतिलाइ मध्यनजर गर्दै तत्कालै बाध लगाउने , ह्याबि इकुमेन्ट प्रयोग गर्ने । सिचाइ डिभिजन संग नगरपालिकाको सहकार्यमा लन्चिङ ड्याम , स्यान्ट रकिङ र तारजालि भर्ने । कटानका संभावित क्षेत्रका स्थानीयलाई उद्दार तथा राहतको ब्यबस्थापन गर्ने निर्णय भएको नगर प्रमुख दुर्गा कुमार थापाले बताउनु भयो । उहाँका अनुसार कोसी कटानका कारण बेलका नगरपालिकामा २५ सय घर परिवार रहेका छन । तत्कालीन ब्यबस्थाका लागि प्रदेस, संघ सरकार ,प्रहरी ,सेना तथा स्थानीयलाई अनुरोध गरिएको समेत उहाँले जानकारी दिनुभयो ।
