सुमन सागर/ आवरबेलका
बेलका नगरपालिका वडा नं ७ ले पहिलोपल्ट एम्बुलेन्स आफ्नो वडामा भित्र्याएको छ। बेलका नगरपालिकाको पहाडी क्षेत्र रहेको मैनामैनी क्षेत्रका मुलगाउ, कान्चिराङ्ग ,नाम्केशा ,गोभाटार,दाङ्खा लगायतका स्थानिय बासिन्दाको स्वास्थ्य क्षेत्रको अबस्था लाई मध्य नजर गर्दै स्वास्थ्यमा सरल र सुलभ रुपमा सेवा लिनको लागि एम्बुलेन्स खरिद गरिएको वडा नं ७ का वडा अध्यक्ष सुरेन्द्र राईले बताए।
बेलका नगरपालिका र वडाको संयुक्त लगानिमा ११ लाखमा एम्बुलेन्स खरिद गरेको हो।
उदयपुर जिल्लाकै सबैभन्दा विकट ठाउँमा रहेको बेलका नगरपालिका वडा नं ७ मा एम्बुलेन्स सञ्चालनमा आएपछि गर्भवती, सुत्केरी तथा ज्येष्ठ नागरिक लगायत अन्य व्यक्तिलाई स्वास्थोपचारका लागि स्वास्थ्य संस्थासम्म आउनजान सहयोग पुग्ने विश्वास लिइएको छ ।
यस वडामा एम्बुलेन्स नहुंदा चर्को भाडा तिरेर आकस्मिक अवस्थाका बिरामीलाई अन्यत्र लैजान स्थानीयवासी बाध्य थिए । अब वडामा मा एम्बुलेन्स आएपछि चर्को भाडादर, गाडी नपाएर बिरामीलाई घण्टौँ घर तथा बीच बाटोमै छटपटाउनुपर्ने समस्या समाधान हुने भएको छ । र मैनामैनिमा भर्खरै बिजुली बत्ति पुगेको छ भने यस्लाइ बिस्तार गर्ने कार्य अगाडि बढेको
वडा अध्यक्ष राईले बताए।
