बेलका नगरपालिकाले आज गरेको बजेट सार्बजनिकिकरण कार्यक्रमलाई असहमती जनाउदै बिग्यप्ती जारी गरेका छन् । बेलका स्थित नेपाली कांग्रेस, नेकपा (माओवादी केन्द्र), जनता समाजबादी पार्टी नेपाल, राप्रपा नेपाल, नेकपाले विज्ञप्तीमा संयुक्त हस्ताक्षरसहित असहमति जनाएका हुन् ।
स्थानीय बजेट जनता लक्षित भन्दा आत्मकेन्द्रित र कार्यकर्ता मुखी भएको टिप्पणीसहित उनीहरुले राजनीतिक दलहरुको सल्लाह, सुझाव विनै एकल ढंगले बजेट ल्याएको जनाएका छ्न । कार्यक्रमहरु बढी एनजीओमुखी बनाइ जनतालाई भ्रमित पार्ने काम गरेको, किसान, मजदुर, आदिबासी जनजाति, महिला, दलित, अल्पसंख्यक, सिमान्तकृत समुदायलाई सम्बोधन नगरिएको, कोभिड १९ प्रति प्रभावकारी सम्बोधन नभएको आरोप लगाएका छन् ।
त्यसैगरी वडाहरुलाई नाममात्रको बजेट छुट्याको, स्थानीय जनतासंग सहकार्य नगरी एकल रुपमा फोहोर ब्यवस्थापन केन्द्र स्थापनाको नाममा स्थानीय नगर सरकारले बेलका ९ सिमलटार क्षेत्रका स्थानीय गाउँलेहरुलाई दुःख दिएको आरोप लगाएका छन् । जनता उठीबास लगाउने कबुलित जग्गाको सन्दर्भमा नगरपालिका एकल ढंगले प्रस्तुत भएको, जग्गाको लालपूर्जा दिने भन्दै सोझा सिधा जनतालाई ढाटेको र नगरपालिकालाई कार्यकर्ता भर्तिकेन्द्र पारेको टिप्पणी गर्दै असहमती जनाएका छन् (purnpusti)
