उदयपुरको बेलकामा एक औषधी व्यवसायी पक्राउ परेका छन् । अबैध रुपमा औषधी पसल सञ्चालन गरी स्वास्थ्यका लागि हानीकारक मिश्रित औषधीहरु बनाएर बिक्री गरेको आरोपमा सूर्यमान श्रेष्ठ पक्राउ परेका हुन् ।
उदयपुरको बेलका नगरपालिका वडा नम्बर -५ स्थित ‘सूर्य उपचार क्लिनिक’ घुम्नेका सञ्चालक श्रेष्ठलाई विभिन्न किसिमका औषधीहरुको समिश्रणबाट तयार गरीएको लागू औषध प्रयोगकर्ताहरुलाई बेचबिखन गर्ने गरेको सूचनाको आधारमा उनलाई आइतबार बेलुका ७ः१५ बजे पक्राउ गरेको हो । जिल्ला प्रहरी कार्यालय उदयपुरका प्रवक्ता डीएसपी बेदप्रसाद गौतमका अनुसार इलाका प्रहरी कार्यालय रामपुर र प्रहरी चौकी लालबजारको संयुक्त टोलीले बेचबिखन गर्दैगर्दा पक्राउ गरेको थियो ।
उनलाई विभिन्न किसिमका औषधि सहित क्लीनिकबाटै नियन्त्रणमा लिइएको हो । आवश्यक कारवाहीको लागि औषधि ब्यवस्था विभाग शाखा बिराटनगर पठाइएको उदयपुर प्रहरीले जानकारी दिएको छ ।यश अगाडि पनि औसधि मिसायर लागुऔषध बनाउदै गर्दा आम्बासि बाट एक क्लिक पसल सन्चालक पक्राउ परिसकेको छ्न ।बेलकामा केही समय अगाडि बाट अत्यधिक लागुपदर्थ दुर्ब्यसनका कारोबारी बढ्दै गएको देखिन्छ । ब्राउन सुगर देखि गाजा सम्म अहिले प्रयोगकर्ताले प्रयोग गर्ने गरेको जानकारी प्राप्त भएको छ ।
