उदयपुर लिम्चुङबुङ ४ बलमता बस्ने १८ बर्षीय किरण राईको ट्रयाक्टर दुर्घटनाबाट मृत्यु भएको छ ।
बुधबार बिहान साढे ८ बजे खोटाङ खोटेहाङ ६ सिम्पानी रोक्सिङ सहायक सडक खण्डमा सु.प.प्र.०१–००२ त ४२९८ नम्बरको ट्रयाक्टर अनियन्त्रित भई पल्टदा सोही ट्रयाक्टरका सह-चालक राईको घट्ना स्थलमै मृत्यु भएको जिल्ला प्रहरी कार्यालय खोटाङले जनाएको छ ।
ट्रयाक्टर चालक १९ बर्षीय टुजन राई घाइते भएकोमा उनको गाईघाट अस्पताल उदयपुरमा उपचार भईरहेको प्रहरीले जनाएको छ ।
