आवर बेलका १६ पुष / विगत एक महिनादेखि उच्च रक्तचापको कारण ब्रेन स्ट्रोक भई नोबेल अस्पताल विराटनगरमा उपचार गराईरहेका नेपाल प्रेस युनियन धरान उप- महानगर कार्य समितिका कोषाध्यक्ष दिलीप राईलाई नेपाल प्रेस युनियन वराहक्षेत्र नगर समितिले आर्थिक सहयोग गरेको छ ।
नेपाल प्रेस युनियन वराहक्षेत्रले जुटाएको रकम नेपाली कांग्रेस राज्य प्रशाशन बिभाग सदस्य तथा महा- समिति सदस्य बाबुराम बिष्ट , सल्लाहकार केन्द्रीय पार्षद बाबुराम कार्की र अध्यक्ष संगम बिष्टले संयुक्त रुपैया नगद ८ हजार ५ शय रुपैयाँ प्रेस युनियन धरानका सचिव मातृका नेलाललाई हस्तान्तरण गरेका हुन् । उच्च रक्तचापको कारण ब्रेन स्ट्रोक भई उपचार गराईरहेका सञ्चारकर्मी राईका लागि थप उपचारमा सहयोग पुग्ने उद्देश्यले नेपाल प्रेस युनियनमा आव्द्बय रहेका वराहक्षेत्रका सदस्य र सल्लाहकारहरुबाट उक्त रकम जुटाएर हस्तारण गरिएको वराहक्षेत्रका अध्यक्ष बिष्टले जनकारी दिए ।
ब्रेन स्ट्रोक भई अस्पतालमा उपचार्थ नेपाल प्रेस युनियन धरानका कोषाध्यक्ष राईको हाल सम्म उपचारमा १० लाख रुपैयाँ भन्दाबढी खर्च भईसकेको छ । परिवार स्रोतका अनुसार राईको अहिले नोबेल अस्पतालको सघन कक्षमा उपचार भइरहेको छ ।
