एकताखबर
उदयपुरको बेलका नगरपालिकामा आइतबार कोरोना भाइरस बिरुद्धको पहिलो चरणको खोप १ सय १४जनालाई लगाइएको छ।
स्वास्थ्य कार्यालय रामपुरमा बिहान ११ बजेबाट खोप लगाउन शुरु गरिएको हो। जसमा महिला स्वयंसेविका ४४ जना, स्वास्थ्यकर्मी ६० जना, एम्बुलेन्स चालक ३ जना, सफाइकर्मी ६ जना र सब वाहान चालक १ जनालाई पहिलो चरणको खोप लगाइएको छ।
स्वास्थ्य कार्यालय रामपुरका अनुसार पहिलो चरणमामा स्वास्थ्यकर्मी , महिला स्वास्थ्य स्वयमसेविका, एम्बुलेन्स तथा शब (वाहन) चालक, कोभिड १९ को कारण मृत्यु भएका ब्यक्तिको शब ब्यवस्थापनमा खटिने सुरक्षाकर्मी र सार्वजनिक फोहोर संकलन गर्ने सरसफाइकर्मीलाइ खोप लगाइने छ ।
पहिलो चरणमा १ सय १४ जनालाइ खोप लगाइएको छ र दोस्रो चरणको खोप ४ हप्ता पछि पुन लगाउने स्वास्थ्य कार्यालय रामपुरले जनाएको छ । प्रथम चरणको खोप सम्पन्न भएपछी १८ बर्ष उमेर पुरा भएका सवै नागरिकलाइ चरणवद्द रुपमा खोप लगाइने छ ।
पहिलो चरणमा जिल्ला भरी १२ सय जनालाइ खोप लगाइने स्वास्थ्य कार्यालय उदयपुरले जनाएको छ ।
