सर्बोच्च अदालतले प्रतिनिधिसभा पुनर्स्थापनाको फैसला गरेपछि देशका विभिन्न जिल्लाहरुमा विभिन्न दल नेता, कार्यकर्ता र नागरिकले खुसीयालीमा दीप प्रज्ज्वलन गरेका छन् ।
बेलका नगरपालिकाको रामपुर बजार चोकमा नेकपाका नेता कार्यकर्ताले दीप प्रज्ज्वलन गरेका हुन् । कार्यक्रममा दिपक दङ्गाल, पुस्प सुवेदी, मनोज तामाङ ,रमण भट्टराई ,धनपती आचर्य, खगेन्द्र खड्का ले आफ्ना भनाइ राखेका हुन ।
सर्वोच्च अदालतले संविधान र जनताको पक्षमा फैसला गरेको भन्दै दीप प्रज्ज्वलन गरेको नेकपा बेलका अध्यक्ष मनोज तामाङले बताए । बेलकामा सर्वोच्चको फैसलालाई मधेसवादी दल र कांग्रेस/ राप्रपाका नेताले स्वागत गरेका छन् ।
यस्तै नेकपा दाहाल–नेपाल पक्षले बेल्टार ,गाइघाट कटारी ,उदयपुरगडी ,लिम्चुङ्बुङमा दीपावली गरेको हो । सर्वोच्चको निर्णय जनताको पक्षमा भएको भन्दै उक्त समूहका नेता तथा कार्यकर्ताले बेल्टारको पुष्पलालपार्क कटारिको भूगोल चोकमा दीप प्रज्ज्वलन गरी खुसियाली मनाएका हुन् । दीपावलीमा सयौं नेता तथा कार्यकर्ता सहभागी भएका थिए ।
यसैगरी सदरमुकाम गाइघाटमा रहेको कार्यालय परिसरमा युवा / विद्यार्थी / महिला / मजदुरहरुले मैनबत्ति बालेर खुशियाली मनाएका छन् ।
‘संविधान विघटन हुनबाट जोगिएको ऐतिहासिक उपलब्धि सर्वोच्च अदालतबाट प्राप्त भएर संसद् पुन:स्थापना भएको दिनमा जिल्ला भरी मैनबत्ति बालेर खुशियाली मनाएका हौं’, नेकपाका उदयपुर अध्यक्ष बिनोद कट्वाल ” दिवसले भने।
