नेपाल मगर संघ बेलका नगर वडा नं ४ को आयोजनामा सॉगठनिक ईतिहास,कार्यभार र धर्म संस्कार सम्बन्धि कार्यक्रमको २ दिने गोष्ठी चैत्र २० गतेबाट संचालन भएको छ ।
दुई दिनसम्म चल्ने सो कार्यक्रममा बेलका नगरपालिका भित्रका अधिकांश मगर समुदायको उपस्थिती रहेको आयोजकले बताएको छ।
जनजाति सभाहलमा भईरहेको प्रशिक्षनात्मक कार्यक्रममा मगर समुदायको बाक्लो उपस्थिती रहेको छ।
मगर संघका ४ नं वडाध्यक्ष स्याम कुमार खपांगी मगरको अध्यक्षतामा संचालित कार्यक्रममा धर्म गुरु साम्देनाम्दाक निकेश मगरको बिषेश उपस्थिती रहेको छ।धर्म गुरु मगरले दुई दिनसम्म सहभागीहरुलाई मगरहरुको धर्म संस्कार संस्कृति सम्बन्धी प्रशिक्षण गर्नुहुनेछ। आयोजक समितीका सोम कुमार लिमेल मगरले बताए।
प्रदेश नं १ , मगर संघका सदस्य राज बहादुर राना मगरको प्रमुख अतिथी रहेको कार्यक्रममा मगर अभियन्ता हरुको उपस्थिती रहेको छ।मगर समुदायहरुले आगामी जनगणनामा धर्मको महलमा बुद्ध धर्म लेख्न र लेखाउन बक्ताहरुले जोड दिएका थिए।
कार्यक्रममा आदिवासी जनजाति महासंघ बेलका नगरका अध्यक्ष ललित राई, जनजाति महासंघ कटारीका अध्यक्ष केदार मगर, जिल्ला सदस्य जयराम पुर्बछाने ,मगर अभियन्ता जेवी घले, हरी मगर, टम बहादुर मगर लगायतले कार्यक्रमलाई संबोधन गरेका थिए। कार्यक्रम सोम कुमार लिमेल मगरले संचालन गरेका थिए भने एक सय पचास बढी मगर अगुवा अभियन्ताहरुको उपस्थिती रहेको थियो।
