उदयपुरको बेलकामा स्कुटरको ठक्करबाट एक जनाको मृत्यु भएको छ । जिल्ला प्रहरी कार्यलय उदयपुरका अनुसार बेलका नगरपालिका ३ का वर्ष ७० का हिरण्यबहादुर बस्नेतको मृत्यु भएको हो ।
बेलका – ३ त्रिबेणी चोक स्थित भित्री रामपुर,भागलपुर , आम्बासी सडकखण्डमा बा ६६ प ६०५३ नम्वरको स्कुटरले पैदल यात्री बस्नेतलाई ठक्कर दिइ गम्भिर घाइते बनाएको थियो । घाईते बस्नेतको उपचारको लागि नगर अस्पताल रामपुर ठोक्सिला पठाईएकोमा उपचार हुन नसकी थप उपचारको लागि घोपा धरान पठाइकोमा उपचारको क्रमामा सोमबार मृत्यु भएको हो ।
ठक्कर दिने सवरी साधन र चालक प्रहरीको नियन्त्रणमा रहेको छ । यसैगरी बेलका नपा ६ स्थित मदन भण्डारी लोक मार्गमा दुई मोटर साइकल एक आपसमा ठोकिँदा दुईजना घाइते भएका छन् । प्रहरीका अनुसार मे ५प ३२५२ नम्वरको मोटरसाईकल र को २८ प २८३६ नम्वरको मोटरसाईकल एक आपसमा ठक्कर खाई दुर्घटना हुदाँ मे ५ प ३२५२ नम्वरको मोटरसाईकल चालक बेलका ३ का ६५ वर्षे खड्क नारायण श्रेष्ठ घाइते भएका छन् ।
उनको बाँया खुट्टामा चोट लागेको छ । उपचारको लागि न्युरो अस्पताल बिराटनगर पठाईएको र को २८ प २८३६ नम्वरको मोटरसाईकल चालक बेलका ४ का बर्ष ३३ को राजेश बिस्ट सामान्य घाईते भएका छन् । दुबैको मोटरसाइकल प्रहरी नियन्त्रणमा रहेको प्रहरीको भनाइ छ ।
