प्रदेश १ को प्रदेशसभामा उदयपुरका बिमल कार्कीले सबैभन्दा धेरै ७७ पटक बोले,
प्रदेश १ प्रदेशसभामा बोल्दै एमालेका सांसद विमल कार्की।
प्रदेश १ प्रदेशसभाको पहिलो कार्यकालमा दश वटा अधिवेशन ३१२ पटक बैठक बस्यो । प्रदेशसभाले स्थायी राजधानी विराटनगरलाई तोके पनि नाम राख्न सकेन ।
दसवटा अधिवेशनमा बसेका ३१२ वटा बैठकको शून्य समयमा सांसदहरुले ८८५ पटक बोले । विशेष समयमा ५६ पटक, दलको तर्फबाट ६५ पटक र विधेयक माथिको सैद्धान्तिक छलफलमा १ हजार ८२ पटक बोले ।
पहिलो संसदको पाँच वर्षे अवधिमा बैठकमा एमालेका सांसद विमल कार्कीले सबैभन्दा बढी ७७ पटक प्रदेशसभा बैठकमा बोलेका छन् । एमालेकै अर्का सांसद जगदिशप्रसाद कुसियतले सांसदको रुपमा बैठकमा एक पटक पनि बोलेनन् ।
प्रदेशसभा सचिवालयका अनुसार प्रदेश सभाका १० जना सांसदले पाँच पटक पनि बैठकमा बोलेका छैनन् ।
जसले धेरै पटक बोले
पहिलो संसदमा दस वटा अधिवेशनमा सबैभन्दा बढी एमाले सांसद विमल कार्कीले शून्य, विशेष र सैद्धान्तिक छलफलमा गरी ७७ पटक बैठकमा बोले । कार्कीले पहिलो अधिवेशनमा ६, दोस्रोमा १३, तेस्रोमा ९, चौथोमा १३, पाचौंमा ६ र छैटौंमा १२ पटक बोलेका छन् । आठौंमा ६, नवौंमा २ पटक बोलेका उनले दसौं अधिवेशनमा १० पटक बोलेका छन् ।
कार्की पछाडि धेरै बोल्ने सांसदको दोस्रो स्थानमा एमाले सांसद राजकुमार ओझा छन् । उनले ७१ पटक बोलका छन् । कांग्रेस सांसद सूयर्माराज राईले ६५ पटक बाल्दा माओवादी केन्द्रका सांसद मोहनकुमार खड्काले पनि ६५ पटक नै बोलेका छन् ।
जसपा सांसद जयराम यादवले ६४ पटक, कांग्रेस सांसद केदार कार्कीले ५९ पटक संसद बैठकमा बोल्दा एमाले सांसद अम्बिका थापाले ५६,संघीय लोकतान्त्रिक राष्ट्रिय मञ्चकी सांसद विष्णु तुम्बाहाङ्फोले ५० पटक बोलेकी छन् ।
कांग्रेस सांसद शिवनारायण गनगाईले ४९, लीला सुब्बाले ४७, प्रतापप्रकाश हाङ्गामले ४७, लोकप्रसाद संग्रौलाले ४६ र सञ्जाकुमारी दनुवारले ४४ पटक प्रदेशसभामा बोलेका छन् ।
माओवादी सांसद उमिता विश्वकर्माले ४६,कुलप्रसाद सुब्बाले ४१ पटक बोल्दा नेकपा एकिकृत समाजवादी पार्टीकी सांसद खिनुलङ्वा लिम्बूले प्रदेशसभामा ४० पटक बोलेकी छन् । पहिलो संसदमा १० वटा अधिवेशनमा बसेका ३१२ वटा बैठकमा १६ सांसदले ४० पटक भन्दाबढी बोलेका छन् । १५ जना सांसदले १० पटक पनि बोलेका छैनन् ।
कार्की उदयपुरको निर्वाचन क्षेत्र १ (क) बाट निर्वाचित भएको हुन !अहिले आशन्न मंसिर ४ गतेको चुनावको लागि प्रतिनिधि सभामा सिफारिस भएको छ्न । कार्यकर्ता तथा जनता माझ निकै लोकपि्रय कार्की टिकट पाउदा चुनाव जित्ने तयारीमा छ्न।
