मदन अधिकारी / सुनसरी
नेपाली युवाले देशभित्र पाएको दुःख झमेलाको कथा समेटिएको लघु चलचित्र ‘मेरी छोरी’ को ट्रेलर सार्वजनिक गरिएको छ । उज्यालो नेपाल नामक संस्था ले आफ्नो आधिकारीक फेसबुक मार्फत चलचित्रको ट्रेलर सार्वजनिक गरिएको संस्थाका उपाध्यक्ष नितेश अधिकारीले जानकारी दिए ।
लघु चलचित्रको निर्देशक नितेश अधिकारीले गरेका हुन् । निर्देशक अधिकारीले यसअघि पनि थुप्रै लघु चलचित्रमा निर्देशन गरि सकेका छन् ।
निश्चल पराजुलि को कथा लेखन रहेको चलचित्रमा आशिका दाहाल , मनिसा कार्कि, आईस्मा साक्य, दिनेश लुईटेल, सबिन तिमल्सिना लगायतले अभिनय गरेका छन् ।
नेपालभित्र जे काम गर्दा पनि असहयोग र घर बाट समेत प्रोत्साहन नपाएपछि युवा युवती गलत बाटो रोज्न बाध्य भएको विषयवस्तु चलचित्रमा उतारिएको छ । साथमा उक्त लघु चलचित्रमा इलाका प्रहरी कार्यलयका डिएस्पि माधव प्रसाद काफ्लेले समेत आफ्नो अभिनय मार्फत सकरात्मक सन्देश दिएका छन् भने उक्त लघु चलचित्रका छायांकन निसान पराजुलि तथा कोडिनेटर मनोज निरौलाले गरेका थिए ।
