उद्दब पौडेल /पिकलबल एसोसिएसन नेपालले इन्टरनेशनल ओपन टुर्नामेन्ट २०२४ आयोजना गरेको छ । ललितपुरको सातदोबाटोस्थित टेनिस कोटमा आयोजित कार्यक्रममा भारत , अमेरिका , सिङ्गापुर , थाइल्यान्ड र बेलायत लगायत ८ देशका १२० खेलाडीहरुको सहभागिता रहेको पिकलबल एसोसिएसनका उपाध्यक्ष टीका भण्डारीले जानकारी दिए । समापन कार्यक्रममा मन्तव्य राख्दै पुर्व पर्यटन मन्त्री समेत रहेका ओलम्पिक कमिटीका अध्यक्ष जिवनराम श्रेष्ठले पिकलबल खेल पछिल्लो समय लोकप्रिय बन्दै गएको बताए । नेपालमा यो खेलले बिस्तारै गति लिन थालेको बेला आजको कार्यक्रमले यस्को प्रचारमा सहयोग पुगेको बताउदै यो खेलको बिकास र बिस्तारमा सरकारले सहयोग गर्नुपर्ने धारणा राखे । अबका दिनमा यो खेलको बिस्तारमा योजनाबद्ध ढंगले अगाडि बढने योजना बनाएको पिकलबल एसोसिएसनका अध्यक्ष मुकुन्द प्रसाद भण्डारीले स्पष्ट पारे ।
