आवर बेलका/ ओखल्ढुङ्गा जिल्लामा क्रियाशील महुलि लघुवित्त संस्था शाखा कार्यलय मानेभञ्ज्याङ शाखाले आफ्नो सदस्यको मृत्यु भएपछि मृतकका परिवारलाई क्षतिपूर्ति बापत तीन लाख दश हजार रकम उपलब्ध गराएको छ ।
फिक्कल गाउपालिका वार्ड न ५ स्थित महुलि लघुवित्त वित्तीय संस्था लिमिटेडको शाखा कार्यालय मानेभञ्ज्याङ द्वारा फिक्कल गाउपालिका वार्ड न ५ ज्याङज्याङमा गठित केन्द्र नम्बर १३६ कि सदस्य छलिमाया भुजेलकाे बिमा क्षतिपूर्ति बापत ३ लाख १० हजार रुपियाँको चेक उपलब्ध गराएको शाखा प्रबन्धक होम सिङले जानकारी दिनुभयो ।
सिङ्का अनुसार लघुवित्तको सदस्य रहनुभएकाे तिल बहादुर भुजेलकाेश्रीमती छल्लिमाया भुजेलको केही दिन अगाडि आकस्मिक मृत्यु भएको थियो । संस्थाले कर्जा बिमा सुबिधा अन्तर्गत मृतकका परिवारलाई बिमा बापतको क्षतिपूर्ति रकम उपलब्ध गराइएको उहाँले बताउनुभयो ।
बिमा क्षतिपूर्ति बापतको ३ लाख १० हजार रुपियाँ बराबरको चेक शाखा प्रवन्धक सिङको हातबाट मृतकका श्रीमान् तिल बहादुर भुजेललाई हस्तान्तरण गर्नुभएको थियो । मृतकका श्रीमान् भुजेलले बिमा बापतको क्षतिपूर्ति रकम पाउँदा आफ्नो परिवारको गुजारा चलाउन राहत मिल्ने भन्दै संस्थालाई धन्यवाद दिनुभयो । त्यस्तै शाखा प्रवन्धक सिङ्ले संस्थाले नाफा मुखि नभई सदस्यको दुखमा साथ दिने उदेश्य रहेको र हाम्रा कुनै सदस्यलाई दुख पर्दा त्यो दुख सदस्यलाई मात्र नभई शाखालाई समेत पर्ने भएकाले हामिले हाम्रो दायित्व सम्झेका हौ र हामिले एक असल सदस्य गुमाउदा सिङ्गो शाखानै दुखमा परेको जानकारी गराउनु भयो ।
