बुटवल– महुलि लघुवित्त वितिय संस्था लि. शाखा कार्यलय बुटवलमा आवद्द महिला सदस्यहरुलाई आत्मनिर्भर बनाउन अचार बनाउने तालिम प्रदान गरिएको छ । स्थानीयस्तरमा उत्पादन हुने तरकारी तथा फलफूलबाट महिलालाई अचार बनाउने तालिम दिइएको हो ।
बुटवल उपमहानगरपालिका स्थित रहेको महुलि लघुवित्त वितिय संस्था लि. शाखा कार्यलय बुटवल शाखाले वितिय साक्षरता संघसगै ३० जना महिलालाई अचार बनाउने तालिम दिएपछि अहिले उनीहरुले व्यावसायिक रुपमा अचार बनाउने प्रतिबद्धता गरिसकेका छन् ।
बुटवल उपमहानगरपालिका १४ पदमुरको सामुदाहिक भवनमा सम्पन्ह उक्त तालिममा प्रशिक्षक भगवति बस्यालले तालिम दिएको बुटवल शाखाका शाखा प्रवन्धक टोकनाथ न्यौपानेले बताए । स्थानीयस्तरमा उत्पादन भएका अकबरे खुर्सानी, मुला, गाजर, लसुन, अदुवा, कागती, करेलालगायत तरकारी जन्यवस्तुबाट अचार बनाउन सिकाएको उनको भनाइ छ ।
सदस्य भगवति खनालले हामिले पहिले गाउँघरमा उत्पादन हुने तरकारी खेर जाने गरेको भए पनि अहिले महुलि लघुवित्त बुटवल शाखाले तालिम दिए पछि अचार बनाएर घरको आर्थिक अवस्था राम्रो बनाउन मधत पुग्ने बताएकि छिन । अन्य संस्थाले भासन मात्र दिदा यश संस्थाले दिएको अचार बनाउने तालिम निकै प्रभावकारी बनेको उनको भनाइ छ ।
