इटहरीमा वेश्यालय सञ्चालन आरोपमा ३ जना पक्राउ परेका छन् । प्रहरीले इटहरीका एक होटल सञ्चालक आमाछोरा र एकजना ग्राहकलाई पक्राउ गरेको हाे । इटहरी- १२ स्थित एक होटलबाट वेश्या वृत्ति गराएको आरोपमा आमाछोरासहित एकजना ग्राहकलाई पक्राउ गरिएको हो ।
पक्राउ पर्नेमा इटहरी – १२ मा होटल सञ्चालन गर्दै आएकी सावित्रा लामिछाने र उनका छोरा किरण लामिछाने रहेका छन् । यस्तै, ग्राहक बनेर गएका इटहरी-११ का गुणराज पोखरेललाई पनि प्रहरीले नियन्त्रणमा लिएको छ ।
प्रहरीका अनुसार २२ वर्षीया युवतीलाई होटलमा राखेर यौन व्यवसाय गर्दै आएको खुलेको छ । पक्राउ परेकामाथि थप अनसन्धान भइरहेको प्रहरीले बताएकाे छ । प्रहरीले अनुसन्धानकै क्रममा रहेकाे बताएकाे छ ।
