आवर बेलका /२६ पौष/आइतबार / बेलका नगरपालिका वडा नं ८ को सडक बिस्तार भएको सबै क्षेत्रमा बिधुत बिस्तार भएको छ। वडा नं ८ को विकट पहाडी क्षेत्र सोमबारे आरङ्गा,सिसौली,माझगाउ लगायत अन्य धेरै ठाउँमा आइतबार औपचारिक रुपमा बिजुली बत्ती बालिएको छ।
वडा नं ३ देखि ९ सम्मका विकट क्षेत्रमा बिधुत बिस्तार गर्ने लक्ष्यमा छौ, वडा नं ८ को सबै गाउगाउमा बिधुत बिस्तार भएको छ। आज बाट वडा नं ८ अन्धकार मुक्त भएको ठोक्सिला उर्जा तथा ग्रामीण बिकास केन्द्रका अध्यक्ष धनपती आचार्यले बताए।
ठोक्सिला उर्जा तथा ग्रामीण बिकास केन्द्र र कस्मिक इलेक्ट्रोनिक इन्जिनियर प्रा ली निर्माण ब्याबसायी सङ्ग सम्झौता गरि बेलका ३ नं वडा देखि ९ को सडक बिस्तार भएको स्थानमा बिधुत बिस्तार गर्न १४ करोडको लगानिमा सम्झौता गरिएको ठोक्सिला उर्जा तथा ग्रामीण बिकास केन्द्रका सचिब रमन भट्टराईले बताए।
घोषणपत्र बमोजिम सबै स्थानमा बिधुत बिस्तार भएको बेलका नगरपालिका वडा नं ८ का वडा अध्यक्ष जय कुमार राईले बताए। सबै स्थानिएको घरमा बिधुत पुर्याउने र आफ्नो घरमा बिधुत जडान गर्ने बताउदै बिकासको हिसाबले ८ नं वडा निकै अगाडि रहेको वडा अध्यक्ष राईले बताए।
सडक सन्जाल देखि खानेपानी, बिधुतको सुबिधा पुगेको वडा पर्यटकीय हिसाबले समेत परिचित रहेको छ।
गाउमा बिजुली बलेपछी गाउँका बासिन्दा खुशी भएका छन । बर्षौ देखि सोलार, दाउराको उज्यालोमा भर पर्दै आएका स्थानिय गाउमा बिजुली बलेपछी खुशी भएको स्थानिय पदम राइले बताए।
