कृष्णमान चौधरी/ उदयपुर मलिथम उपाधिका लागि धनुषा सङ्ग भिड्ने
सप्तरी जिल्ला फूटबल संघ राजबिराजको आयोजना मा जारी प्रथम राजबिराज मेयर गोल्ड कप फूटबल प्रतियोगिताको फाइनलमा प्रवेश गरेको छ ।
बिहीबार भएको अन्तिम सेमिफाइनल खेलमा इश्वरपुर फूटबल क्लब बेलबास,सर्लाहीलाई १-० गोलको झिनो अन्तरले पराजित गर्दै मलिथम फूटबल क्लब उदयपुर उपाधिमाथि दाबेदारी प्रस्तुत गरेको हो । मलिथमका लागि आशिष थारुले गरेको गोल नै निर्णाक बन्यो ।
खेलको सुरुवातीमै मलिथमले आक्रामक खेल पस्केको थियो । प्रतिस्पर्धात्मक खेलमा गोलधापले पाएको थुप्रै अवसर खेर गएको थियो ।खेलको १३ औं मिनेटमा गोल गर्दै अग्रता दिलाएको थियो।खेलमा मलिथमका आशिष थारु म्यान अफ द म्याच घोषित भए । उनले पुरस्कार वापत नगद ३५०० र ट्रफी हात पारे ।
जितसँगै मलिथमले जनकपुर जिल्लाको धनुषा जिल्ला फूटबल संघ सँग फाइनल भेट पक्का गरेको छ । प्रतियोगिताको विजेताले उपाधिसहित नगद १ लाख ५० हजार हात पार्नेछ भने उपविजेताले १ लाख प्राप्त गर्नेछ ।सप्तरी जिल्लाको सप्तरी जिल्ला फूटबल संघको आयोजनामा भइरहेको प्रतियोगिताको फाइनल खेल सनिबार हुनेछ ।
